Ҳар қандай солиқдан қочишга уринишлар назорат қилиб борилади

Жиззах вилояти солиқ бошқармаси ва унинг ҳудудий солиқ инспекциялари томонидан бозорлар ва савдо мажмуаларида тадбиркорлар билан мунтазам равишда учрашувлар ташкил этилмоқда.

Жиззах шаҳар солиқ инспекция раҳбарияти томонидан Заргарлик маҳалласидаги «Зебо» савдо марказида ҳам ана шундай юзма-юз мулоқотлар уюштирилди.

Учрашувларда солиқ хизмати ходимлари мамлакатимизда тадбиркорлик фаолияти учун яратилган кенг имкониятлар, уларнинг барқарор фаолият юритишини таъминлашга қаратилган солиқ маъмуриятчилигидаги енгилликларни тадбиркорларга етказиш билан бирга яширин иқтисодиётга сабаб бўлаётган омиллардан бири – бу харид чекини бермаслик ҳолатлари ва унинг оқибатлари тушунтирилди.