Aholi turmush sharoiti va iqtisodi rivojlanayotgan Doʻstlik tumaniga nazar

Jizzax viloyati hokimligi Axborot xizmati tomonidan Doʻstlik tumanida 2023-yilda amalga oshirilgan va 2024-yilda amalga oshiriladigan qurilish – obodonlashtirish ishlari bilan yaqindan tanishish maqsadida viloyatdagi ommaviy axborot vositalari vakillari hamda ijtimoiy tarmoq faollari joylarga borib amalga oshirilayotgan ishlar bilan yaqindan tanishishdi.

Doʻstlik tumanida 2023-yilda 6 ta Dasturlar doirasida 57 ta obyektlarda 127,2 mlrd soʻmlik qurilish – taʼmirlash ishlari bajarilib, ushbu obyektlarning barchasi foydalanishga topshirildi.

2024-yilga moʻljallangan Ijtimoiy va ishlab chiqarish infratuzilmasini rivojlantirish Dasturiga asosan 3 ta obyektda 15 mlrd soʻmlik qurilish – taʼmirlash ishlari bajariladi.
Jumladan:
– 6,7 mlrd soʻmga “Bogʻzor” mahallasidagi 9 – sonli maktabgacha taʼlim tashkiloti binosi rekonstruksiya qilinadi;
– 5,4 mlrd soʻmga “Chinobod” mahallasidagi 18 – sonli maktab binosi rekonstruksiya qilinadi;
– 3 mlrd soʻmga “Sarkisov”, “Yangi taraqqiyot”, “Jizzax ostonasi” va “Istiqlol” fermer xoʻjaliklari uyushmalari hududida 14 km yopiq – yotiq drenaj tarmoqlari quriladi.
Albatta amalga oshirilayotgan mazkur ishlar tuman aholisini farovon turmush kechirishi yoʻlida amalga oshirilayotgani taqsinga sazovordir.

Viloyat hokimligi Axborot xizmati