«Сангзор» дарёси бўйларида «Тоза соҳил» плоггинг тадбири ўтказилди

Жиззах вилояти Экология, атроф-муҳитни муҳофаза қилиш ва иқлим ўзгариши бошқармаси, Ёшлар ишлари агентлиги Жиззах вилояти бошқармаси ҳамда ёш экофаоллар ва волонтёрлар билан ҳамкорликда «Тоза соҳил» плоггинг тадбири ўтказилди.

Тадбирда  Жиззах шаҳри ва Ғаллаорол тумани ҳудудларидан оқиб ўтувчи «Сангзор» дарёси бўйларида тўпланган қаттиқ ва маиший чиқиндилар йиғиштириб олинди. Тадбирда фаол иштирок этган жиззахлик ёшлар ва экофаоллар ушбу тадбирларни келгусида муҳофаза этиладиган табиий ҳудудлар, кўллар ва сув омборлари  атрофида ташкил этиш бўйича келгусидаги режалар белгилаб олинди.

Тўпланган чиқиндилар ҳудуддаги чиқинди полигонига олиб бориб жойлаштирилди.