“Маржонбулоқ” кони ҳудудидан тупроқ намуналари олиниб, таҳлиллар ўтказилди

Саноат корхоналарининг фаолияти натижасида атроф-муҳитга етказилаётган зарарли таъсирларни ўрганиш, уларнинг мониторингини юритишда эколабораторияларнинг фаолияти ўта муҳим ҳисобланади.
Давлат Экология қўмитаси ва ҳудудий бошқармалари тасарруфидаги атроф-муҳитнинг ифлосланишини мониторинг қилиш бўлимлари томонидан ҳаёт учун зарур бўлган табиий омиллар - сув, ҳаво ва тупроқларнинг таркибини ўрганиш устида фаолият олиб борилмоқда.

Яқинда Жиззах вилояти Экология бошқармасидаги мазкур бўлим ходимлари томонидан "Жиззах нефтибаза" МЧЖ ва “Навоий КМК” Давлат корхонаси тасарруфидаги Жанубий кон бошқармасига қарашли “Маржонбулоқ” кони ҳудудидан тупроқ намуналари олиниб, таҳлиллар ўтказилди.